Երեկ Մոսկվայում մեկնարկեց «Աէրոֆլոտ օփեն» միջազգային մրցաշարը: Մրցաշարի գլխավոր A մրցաշարում Հայաստանը ներկայացնող մասնակիցներից հաղթանակ տոնեց միայն Հայկ Մարտիրոսյանը: Տիգրան Լ. Պետրոսյանն իր պարտիան ավարտեց հաշտությամբ, իսկ Մանուէլ Պետրոսյանը, Արամ Հակոբյանը և Շանթ Սարգսյանը պարտվեցին:
B մրցաշարում հաղթանակներ տոնեցին Տիգրան Հարությունյանը, Արթուր Դավթյանը և Հովիկ Հայրապետյանը: Ռաֆայել Վահանյանը, Էլինա Դանիելյանը և Վահե Բաղդասարյանը իրենց պարտիաներն ավարտեցին հաշտությամբ։
C մրցաշարում, որը մեկնարկում է առավոտյան ժամերին կայացել է երկու տուր, Արթուր Ղարագյոզյանը ընթանում է առաջատարների խմբում: