ԱԺ «Լուսավոր Հայաստան» խմբակցության պատգամավոր Արման Բաբաջանյանը ֆեյսբուքյան իր էջում գրել է. «Ուշագրավ փաստեր Եվրոպական խորհրդարանի՝ ժամեր առաջ ավարտված ընտրությունների վերաբերյալ - 25 տարվա մեջ Եվրախորհրդարանի ընտրություններում ամենամեծ մասնակցությունն է գրանցվել։ - Եվրասկեպտիկները կամ Եվրամիության հակառակորդները ավելացնում են իրենց ներկայությունը նորընտիր Եվրախորհրդարանում։ - Ազգայնականները և պոպուլիստները մեծ աջակցություն են ստացել։ Ըստ ամենայնի ցենտրիստներն այլևս ի վիճակի չեն լինի կոալիցիա կազմել։ Իրավիճակը կարող են փրկել Կանաչները։ - Եվրախորհրդարանի ընտրություններ են անցկացվել նաև Մեծ Բրիտանիայում, որտեղ 2016թ․ հունիսին կայացած հանրաքվեով որոշվել է, որ Միացյալ թագավորությունը պետք է լքի Եվրոպական ընտանիքը։ Սպասվում է, որ Մեծ Բրիտանիան դուրս կգա Եվրոպական Միությունից այս տարի աշնանը»։ |