+20 °C, +16 °C ... +29 °C Վաղը`+29 °C
Այսօր կառավարության նիստում հաստատվեց «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին» նախագիծը: Ըստ ԱԺ «Իմ քայլը» խմբակցության պատգամավորներ Վարազդատ Կարապետյանի և Բաբկեն Թունյանի ներկայացրած նախագծի՝ առաջարկվում էր ՀՀ նվազագույն աշխատավարձը ներկայիս 55 հազար դրամի փոխարեն դարձնել 63 հազար դրամ: Աշխատանքի և սոցիալական հարցերի փոխնախարար Գեմաֆին Գասպարյանն էլ նշեց, որ էլ մի շարք ուսումնասիրություններից ելնելով, իրենք առաջարկում են նվազագույն աշխատավարձը դարձնել 68 հազար դրամ: Փոխվարչապետ Մհեր Գրիգորյանն էլ իր հերթին նշեց, որ պետք է վերանայվի նաև աշխատողների ժամային գրաֆիկը, որ աշխատավարձի հետ չավելանան նաև ժամերը և նախագիծը որևէ արդյունք չտա. «Մասնավորը սկսելու է մանևրել ժամերով, անհրաժեշտ է այնպիսի կարգավորում ներառել հենց այս նախագծում, որը նաև սահմանափակի այդ մանևրելու հնարավորությունները ժամերի քանակի միջոցով աշխատանքային օրվա և շաբաթվա ընթացքում»,-ասաց նա: Նշենք, որ այս նախածով նվազագույն աշխատավարձ ստացողների աշխատավարձը շուրջ 23-24 տոկոսով կավելանա: Հարցը կներկայացվի Ազգային ժողովի քննարկմանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am