Բրիտանական Գուդվուդում կայացած արագության փառատոնին տեղի ունեցավ վերածնված De Tomaso ապրանքանիշի P72 սուպերքարի պրեմիերան: Մեքենայի պրեմիերան համապատասխանեցրել են իտալական օրիգինալ ապրանքանիշի 60-ամյակի հետ: Հիշեցնենք, որ այն հիմնվել է 1959 թվականին՝ արգենտինացի գործարար Ալեխանդրո դե Թոմազոյի կողմից:

2014-ին De Tomaso ապրանքային նշանի օգտագործման իրավունքները գնել է չինական Consolidated Ideal TeamVenture հոլդինգը:

P72-ի մասին առայժմ հայտնի է միայն այն, որ այն մշակում են նույն մասնագետները, որոնք զբաղվում են Apollo Intensa Emozione հիպերքարերի ստեղծմամբ: Վերջիններս ստեղծված են կարբոնային շասիի վրա, հագեցած են 6,3-լիտրանոց մթնոլորտային V12 շարժիչով, որն արտադրում է 780 ձիաուժ արագություն: Apollo Intensa Emozione-ն կայանած վիճակից մինչև առաջին «հարյուրյակ» արագությանը կարող է հասնել 2,7 վայրկյանում, իսկ առավելագույն արագությունը կազմում է 333 կմ/ժ:

P72-ը կթողարկվի սահմանափակ քանակությամբ՝ ընդամենը 72 օրինակ: Մեկ սուպերքարի արժեքը կկազմի 750 հազար դոլար: Ընեկրությունն արդեն սկսել է ընդունել նախնական պատվերներ: