+18 °C, +17 °C ... +29 °C Վաղը`+28 °C
Հուլիսի 15-ին Բրյուսելում բացվել է Եվրամիության արտաքին գործերի նախարարների նստաշրջանը: Դրա օրակարգում Թուրքիային պատժամիջոցների ենթարկելու հարցն Է: Բանն այն է, որ Բրյուսելը անօրինական է համարում Թուրքիայի կողմից Կիպրոսի բացառիկ տնտեսական գոտում նավթի հորատումը: Անկարան էլ վիճարկում է Կիպրոսի բացառիկ տնտեսական գոտու սահմանները և դրանք համարում սեփական: Ավելի վաղ, Անկարան Կիպրոս էր ուղարկել «Ֆաթիհ» նավը ՝ հայտարարելով, որ հորատումը կտևի մինչև սեպտեմբերի 3-ը: Կիպրոսի իշխանությունները հունիսի 10-ին արտոնել էին թուրքական հորատող նավի անձնակազմի անդամների ձերբակալությունը։ Չնայած դրան, Թուրքիան երկրորդ «Յավուզ» նավն էր ուղարկել՝ օֆշորային երկրաբանահետախուզական աշխատանքներ իրականացնելու համար։ Թուրքիայի նախագահ Ռեջեփ Թայիփ Էրդողանը հայտարարել է, որ պատրաստ է պաշտպանել կիպրոսցի թուրքերի իրավունքները օֆշորային հանքավայրերում, այդ թվում ՝ զինված ուժերի կիրառմամբ: Ռոյթերսի հաղորդմամբ՝ պատժամիջոցների վերաբերյալ փաստաթղթում կոչ է արվում վերանայել Եվրոպական նեդրումային բանկի կողմից Թուրքիային վարկավորումը: Անկարայի գործողությունների հանդեպ իրենց անհանգստությունն են հայտնել նաև Իսրայելն ու Եգիպտոսը: Թուրքիային պատժելու մտադրության մասին դեռ հունիսին հայտարարել էր Եվրահանձնաժողովի ղեկավար Ժան Կոդ Յունկերը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am