Լրագրող Կարինե Հարությունյանը ֆեյսբուքյան իր էջում գրել է. «Իջևանի երեկվա խուլիգանները ռոբասերժական տարիներին լեզուները յոթ տակ ծալած սսկված էին, երբ Հայաստանը սանտիմետր առ սանտիմետր վաճառվում էր: Ծպտուն չէին հանում. իրենք էլ իրենց բաժինն էին տանում պետությունից:
Ով կասի, թե տունը տաքացնելու համար են անում, չարաչար կսխալվի: Նրանց պաշտպանելուց առաջ լավ մտածեք, թե ինչ եք ասում: Իջևանի փայտի մի փոքր մասն է մտնում իջևանցու վառարանը: Այդ փայտը տախտակ է դառնում, մանրահատակ, անգամ՝ խորովածի փայտ ու հայտնվում Հայաստանի տարբեր մասերում: Առանց վերահսկողության: Անտառը սրբում են: Ընդ որում՝ ծառերը հատում են կլոր տարին: Թե չեք հավատում, գնացեք ամենապարզ քաղաքացուն խոսեցրեք, կասի՝ ի՞նչ քոլ, քո՞լ են թողել, քոլ չկա արդեն: Բոլորը մեկ առ մեկ պիտի պատասխանատվության ենթարկվեն»: