Թուրքագետ Վարուժան Գեղամյանը ֆեյսբուքյան իր էջում գրել է. «Վերջին շրջանում լուրեր են պտտվում, որ Ստամբուլում և Ստամբուլի նահանգում ապրող սիրիացի բոլոր անօրինական գաղթականներին ստիպելու են լքել քաղաքը և ուղարկելու են գաղթական այն ճամբարները, որոնցում վերջիններս գրանցվել են Թուրքիայի սահմանը հատելուց հետո։
Այսօր Ստամբուլի նահանգապետարանը հայտարարություն է տարածել, որով սահմանվում է, որ մինչև սույն թվականի օգոստոսի 20-ը սիրիացի «հյուրերը» պետք է լքեն մայրաքաղաքը և նահանգը, հակառակ դեպքում սիրիացի գաղթականները կհեռացվեն ներքին գործերի նախարարության աշխատակիցների օգնությամբ։
Ըստ պաշտոնական տվյալների՝ քաղաքից վտարման են ենթարկվելու 547.479 սիրիացի գաղթականներ»։