Աշխարհի խոշորագույն ներդրումային բանկերը մտադիր են կրճատել մոտ 30 հազար աշխատատեղ՝ գործարքների ծավալների կրճատման, տոկոսադրույքների անկման և ավտոմատացման արագ տեմպերի պատճառով: Այս մասին գրում է Financial Times պարբերականը:

Վերակազմակերպման կրճատումները կլինեն հիմնականում Եվրոպայում, կընդգրկեն HSBC և Barclays բանկերը, ֆրանսիական Societe Generale-ը, գերմանական Deutsche Bank-ը և ամերիկյան ֆինանսական կոնգլոմերատ Citigroup-ը:
«Ակնհայտ է, որ ներդրումների բանկային ծառայություններից ստացվող եկամուտների հեռանկարներն ավելի ու ավելի են բարդանում: Ներդրումային բանկերի համար դժվար է գումար աշխատել՝ զրոյի կամ բացասական դրույքաչափերի պայմաններում»,- մեջբերում է Berenberg բանկի վերլուծաբան Էնդրյու Լոուն:

2018-ին հաստատված եկամտի, արտարժույթի և ապրանքային առևտրից տասնյակ առաջատար համաշխարհային բանկերի ընդհանուր շահույթը, ըստ Կոալիցիայի, իջել է 2006-ի մակարդակին:

Հիշեցնենք՝ ամենամեծ կրճատումների մասին հայտարարվել է անցած ամիս գերմանական ֆինանսական հաստատության՝ Deutsche Bank-ի կողմից, որը մտադիր է կրճատել մոտ 18 հազար աշխատողի: