Ղրղզստանի նախկին նախագահ Ալմազբեկ Աթամբաևի խափանման միջոցն ընտրելու վերաբերյալ դատական նիստը կանցկացվի Ղրղզստանի Ազգային անվտանգության պետական կոմիտեի շենքում. հաղորդում է РИА «Новости»-ին՝ հղում անելով նախկին նախագահի խորհրդական Կունդուզ Զելդուբաևին:

Հիշեցնենք՝ Աթամբաևը ձերբակալվել էր օգոստոսի 8-ին Կոյ-Տաշ գյուղում գտնվող իր առանձնատանը: Հաջուկջոկատայինների գրոհին հակահարված էին տվել նրա կողմնակիցները: Հատուկ գործողութունների ընթացքում զոհվել էր մեկ հատուկջոկատային, բուժօգնության էր դիմել 100 մարդ, այդ թվում ոստիկանության աշխատակիցները:
Միևնույն ժամանակ, նախկին նախագահի փաստաբան Սերգեյ Սլեսարևը բողոք է ներկայացրել Բիշքեկի քաղաքային դատարան՝ խնդրելով վերանայել Աթամբաևի նկատմամբ խափանման միջոցը: