Իտալիայի գործող նախագահ Սերջիո Մատտերլան ընդունել է վարչապետ Ջուզեպպե Կոնտեի հրաժարականը, հայտնում է Rai24 հեռուստաալիքը:
Ընդունելով հրաժարականը՝ Մատտերլան խնդրել է նրան շարունակել վարչապետի իր պաշտոնավարումը մինչև նոր կառավարության կազմավորումը:
Ակնկալվում է, որ Մատտերլան մոտ օրերս խորհրդակցելու է Իտալիայի խոշոր քաղաքական կուսակցությունների առաջնորդների հետ:
Նախօրեին ելույթ ունենալով Սենատում՝ Կոնտեն հայտարարել էր իր հրաժարականը ներկայացնելու որոշման մասին:
Կոնտեն իր հրաժարականը բացատրում է իշխող կոալիցիայի գործընկերներից մեկի՝ «Լիգա» կուսակցության կողմից բարձրացված անվստահությամբ: Նախկին վարչապետը նաև հաշվի է առել իր կուսակցության առաջնորդների քննադատությունը: