Ստամբուլի դատախազության որոշմամաբ FETO կազմակերպությանը հարելու կասկածանքով կալանավորման որոշում է կայացվել 74 զինվորականի նկատմամբ, հաղորդում է Haber Turk-ը: FETO-ն Թուրքիայում արդի իսլամի գաղափարախոսության հիմնադիր Ֆեթուլլահ Գյուլենի առաջնորդած և բոլոր պետական մարմիններում իրենց ներակայացուցիչներով ապահովված կազմակերպություն է։ Նրանք մեղադրվում են 2016 թվականի հուլիսին հեղաշրջման փորձին մասնակցելու մեջ: Աղբյուրի փոխանցմամբ՝ անվտանգության ուժերն արդեն սկսել են ձերբակալման գործողությունը: 2016 թվականի հուլիսի 15-ին, Թուրքիայի ԶՈւ մի խումբ զինվորականներ և սպաներ փորձեցին հեղաշրջում իրականացնել: Հիմնական դիմակայությունը տեղի ունեցավ Ստամբուլում և Անկարայում, զոհվեց 250 մարդ, ավելի քան 2 հազար մարդ ստացավ տարբեր մարմնական վնասվածքներ: Անկարան մեղադրում է իսլամական քարոզիչ Ֆեթուլլահ Գյուլենին և հարակից FETO-ին հեղաշրջումը նախապատրաստելու մեջ: |