+20 °C, +11 °C ... +20 °C Վաղը`+25 °C
Հյուսիսային Կորեան՝ ԿԺԴՀ-ն հաստատել է, որ ֆուտբոլի աշխարհի 2022 թվականի առաջնության ընտրական փուլի շրջանակներում հանդիպում կանցկացնի Հարավային Կորեայի հավաքականի հետ։ Այն կկայանա հոկտեմբերի 15-ին՝ Փհենյանում։ ԿԺԴՀ-ի և Հարավային Կորեան ընդգրկված են ԱԱ-2022-ի ընտրական փուլի միևնույն խմբում, որում ընդգրկված են նաև Լիբանանը, Թուրքմենստանը և Շրի Լանկան։ Հիշեցնենք՝ թեև կողմերը չունեն դիվանագիտական հարաբերություններ, բայց սպորտում պահպանում են միասնականությունը։ Այսպես, կողմերը պայմանավորվել են համատեղ հանդես գալ Տոկիո-2020 օլիմպիական խաղերին: Նրանք համատեղ թիմեր կներկայացնեն կանանց բասկետբոլում, կանոեում և ակադեմիական թիավարությունում: Բացի այդ, կողմերը քննարկում են 2032 թվականի օլիմպիական խաղերն անցկացնելու համատեղ հայտ ներկայացնելու հարցը: Հիշեցնենք նաև, որ Հյուսիսային և Հարավային Կորեաները Փհենչհան-2018 օլիմպիական խաղերին հանդես են եկել մեկ դրոշի ներքո։ Կորեայի միավորված հանրապետության օրհներգն էր «Արիրան» ժողովրդական երգը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am