Visa և Mastercard կորպորացիաները, ինչպես նաև ֆինանսական այլ ընկերություններ մտադիր են հրաժարվել համագործակցել Facebook-ի հետ՝ էլեկտրոնային արժույթի Libra-ի ֆինանսավորման հարցում: Այս մասին գրում է The Wall Street Journal-ը՝ վկայակոչելով իր աղբյուրներին:

Ըստ նրանց, ֆինանսավորման հավանական մերժման պատճառը հանդիսանում է ամերիկյան և եվրոպական իշխանությունների կողմից մշակված կրիպտոարժույթների քննադատությունը: Այսպիսով, ԱՄՆ ֆինանսների նախարար Ստեֆան Մնուչինը հուլիսին նշել էր, որ ԱՄՆ վարչակազմը «շատ լուրջ մտահոգություն է հայտնում առ այն, որ Libra-ն կարող է օգտագործվել փողերի լվացման և ահաբեկչության ֆինանսավորման մեջ ներգրավված մարդկանց կողմից»: ԱՄՆ նախագահ Դոնալդ Թրամփն իր հերթին նշել է, որ Libra-ն կունենա «ցածր կայունություն և հուսալիություն»: Իսկ G7 երկրների ֆինանսների նախարարները նախազգուշացրել են, որ Facebook-ի կրիպտոարժույթը կարող է բացասաբար անդրադառնալ միջազգային դրամավարկային համակարգի գործունեության վրա:

Այս տարվա հունիսին Facebook-ը հայտարարեց, որ հաջորդ տարի նախատեսում է թողարկել իր սեփական կրիպտոարժույթը՝ Libra-ն: