Երևանի պետական բժշկական համալսարանի ռեկտոր Արմեն Մուրադյանը դատի է տվել ՀՀ առողջապահության նախարար Արսեն Թորոսյանին: Այս մասին տեղեկանում ենք Datalex դատական տեղեկատվական համակարգից: Արմեն Մուրադյանը պահանջում է Արսեն Թորոսյանից զրպարտչական արտահայտությունների հերքում և պատճառված վնասի հատուցում: Գործը մակագրվել է Երևան քաղաքի ընդհանուր իրավասության դատարանի դատավոր Գրիգորի Վարդանյանին: Հիշեցնենք, որ սեպտեմբերի 3-ին ֆեյսբուքյան ուղիղ եթերով Թորոսյանը հայտարարել էր, որ իր դեմ արշավ է սկսվել, որն ուղղորդում է Արմեն Մուրադյանը: Մասնավորապես` նա նշել էր, որ իր ասուլիսի տապալումը կազմակերպել էր Մուրադյանը. «Այս ամենն Արմեն Մուրադյանի կազմակերպածն է»,-հայտարարել էր նա: |