Mamul.am
Ամբողջական տարբերակ
USD 476.69, EUR 528.46, RUB 7.47, GBP 617.03
+2 °C, -1 °C ... +6 °C Վաղը`+5 °C
Hay / Հայ | Рус | Eng | Tür
«Սա փողի ու քարոզչության բազառ է». Դանիել Իոաննիսյան
21:35, 15.10.2019

«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Դավիթ Սանասարյանի հետ կապված միջադեպի պատմության մեջ մի բան է հստակ և երկու կողմերն էլ դա ընդունում են՝ սա փողի ու ապա քարոզչության բազառ է:

Եթե Դավիթը որևէ մեկին վրաերթի է ենթարկել, թող դիմեն ոստիկանություն ու ԱՊՊԱ-ից կամ ավտոապահովագրողների բյուրոյից միանգամից կստանան իրենց ծախսերը:

Համենայնդեպս, ամրագրենք անհերքելի փաստերը՝

1. Վրաերթի մասին ոստիկանություն չեն հայտնել ու, կարծես՝ չեն էլ հայտնում:

2. Ակնհայտ սուտ են իրավապահների վրա Դավիթի «ճնշումների» մասին բոլոր լուրերը, քանի որ իրավապահներին որևէ մեկը չի էլ դիմել:

3. Երեխայի ծնողները Դավիթից փող են ուզել և չտալուց հետո կապնվել են ԶԼՄ-ների հետ:

4. Պատմության շուրջ PR-ով զբաղված են հանրապետության ամենասուտասան մարդիկ, իսկ մերձ-ՀՀԿ-ական ԶԼՄ-ները այն ներկայացնում են միակողմանի:

5. Այդ PR-շիկները Դավիթի հասցեին քֆուրչի բառապաշար են օգտագործում: Երևի, որ Դավիթին հունից հանեն:

6. Երեխայի՝ ուղիղ ընթացող մեքենային կողքից հարվածելու մասին Դավիթի պնդումը առայժմ չի հերքվել:

Հ.Գ. Նորից եմ ասում, եթե համարում են, որ վրաերթ է եղել, թող դիմեն ոստիկանություն: Վերջինս էլ կպարզի, վրաերթ է թե սուտ մատնություն ու շորթում»:

Տեղեկացրե՛ք Ձեր մտերիմներին
| |
դեպի վեր