Mamul.am
Ամբողջական տարբերակ
USD 477.71, EUR 531.55, RUB 7.56, GBP 629.96
0 °C, 0 °C ... +2 °C Վաղը`+6 °C
Hay / Հայ | Рус | Eng | Tür
«Չարենցի էրոտիկ բանաստեղծությունները սիրելու հարցում յուրաքանչյուր անձ ազատ է». Գևորգ Գալստյան
07:05, 12.11.2019

ՀՀ պետական կառավարման ակադեմիայում Ուսանողական գիտական ընկերության նախագահ, քաղաքագետ Գևորգ Գալստյանը ֆեյսբուքյան իր էջում գրել է. «Հայ ազգը Չարենցին մեծարել և մեծարում է, քանի որ նա փառաբանել է Հայրենիքը` Հայաստանը: Չարենցի անունն ասոցացվում է «Ես իմ անուշ Հայաստանի» և հայրենասիրականի, ազգայինի գովերգման թեմատիկայով այլ ստեղծագործությունների հետ, քանի որ հենց այդ բանաստեղծությունների տողերում է արտացոլված Չարենցի նվիրական սերն առ հայրենիք, այդ նույն տողերում է երևում նրա էության ամբողջ վեհությունն ու ազնվականությունը, և վերջապես հենց այդ տողերով է ժողովուրդը ոգեշնչվում և գոտեպնդվում պատմության օրհասական պահերին:
Իսկ Չարենցի սիրային, էրոտիկ նկարագրություններ պարունակող բանաստեղծություններն ընթերցելու, սիրելու, դրանցից բավականություն ստանալու հարցում յուրաքանչյուր անձ ազատ է, սակայն պետությունն ու հասարակությունը հանճարների կյանքից պետք է քաղեն և սրբորեն պահպանեն այն, ինչը կբարձրացնի իրենց, այն, ինչը կնպաստի ազգային կրթության և մշակույթի հզորացմանը, այն, ինչը նպաստում է ԱԶԳԱՅԻՆ ԻՆՔՆՈՒԹՅԱՆ պահպանմանը»:

Տեղեկացրե՛ք Ձեր մտերիմներին
| |
դեպի վեր