Mamul.am
Ամբողջական տարբերակ
USD 478.03, EUR 530.47, RUB 7.50, GBP 627.41
+3 °C, 0 °C ... +5 °C Վաղը`+6 °C
Hay / Հայ | Рус | Eng | Tür
«Պարոʹն Ծառուկյան, Դուք չեք տիրապետում ինֆորմացիային». Հայկ Մարության
22:55, 03.12.2019

Գագիկ Ծառուկյանը հայտարարել էր, որ Հայաստանում խոշոր ներդրումներ կատարելու ցանկություն ունեցող Աբու Դաբիի թագաժառանգը քաղաքապետ Հայկ Մարությանի հետ հանդիպումից հետո հիասթափված հեռացել է: Այս առնչությամբ այսօր Հանրային հեռուստաընկերության եթերում Հայկ Մարությանն ասել է. «Այո, հանդիպումը եղել է: Ուզում եմ ասել, որ պարոն Ծառուկյանն առաջին անգամը չէ, որ այդպիսի հայտարարություններ է անում և դրանց հետևը փաստեր չկան: Ինձ զանգեցին, ասացին, որ հանդիպենք, մենք համաձայնեցինք: Քննարկումը եղավ շատ պրոդուկտիվ, իրենք առաջարկում էին կառուցել հիվանդանոց և հյուրանոց: Հիվանդանոցը, որ պետք է իբր բարեգործական լինի, բացարձակ այդպիսի խոսակցություն չի եղել՝ զուտ բիզնես: Նրանք շեշտը դնում էին կենտրոնի վրա: Մենք իրենց բացատրեցինք, որ մեր կենտրոնը գերհագեցած է և գրեթե տեղ էլ չկա»,- ասել է Մարությանը:

Նրա խոսքով՝ թագաժառանգին առաջարկվել է կենտրոնից դուրս տարածք, առաջարկվել են նաև հավելյալ այլ ծրագրեր:

«Իրենք էլ համաձայնում են և հետաքրքիրն այն է, որ հանդիպման այդ հատվածում իրենց հեռախոսներին սկսեց զանգեր գալ, վերցնում անկաշկանդ խոսում ու դնում էին: Այդպես երեք զանգ. ես և պարոն Մեսչյանը համբերատար սպասում էինք, մինչև իրենք խոսում վերջացնում էին, հետո շարունակում էինք: Ես մի պահի հասկացա, որ գուցե նրանց էլ հետաքրքիր չէ, և գուցե մարդիկ տեղ են շտապում, ասացի որ հանդիպումը կարող ենք ավարտել, գուցե իրենք էլ ինչ-որ տեղ են շտապում՝ նշելով, որ կսպասենք իրենց արձագանքներին և կպատասխանենք իրենց բոլոր հարցերին: Մինչ օրս ոչ մի գրավոր, բանավոր դիմում, ոչ մի բան չի եղել: Մինչ օրս սպասում ենք և պատրաստակամ ենք անելու ամեն ինչ»,- ընդգծել է նա:

Անդրադառանալով պատգամավոր Գագիկ Ծառուկյանի մեկ այլ հայտարարության, թե քաղաքապետարանն ամեն կերպ խոչընդոտում է իր նոր հյուրանոցի կառուցմանը՝ Երևանի քաղաքապետն ասել է. «Պարո՛ն Ծառուկյան, ամենայն հարգանքով, բայց կներեք, Դուք չեք տիրապետում ինֆորմացիային, որովհետև Ձեր հյուրանոցը կասեցված է Ձեր հարևանի օգնությամբ, որը դիմել էր դատարան, և դատարանը, որպես հայցի ապահովման միջոց, կասեցրել էր այդ շինարարությունը: Այսինքն` այստեղ քաղաքապետարանը բացարձակ ոչ մի կապ չունի»:

Մանրամասները` տեսանյութում:

Տեղեկացրե՛ք Ձեր մտերիմներին
| |
դեպի վեր