Իրաքի մայրաքաղաքի «կանաչ գոտում», որտեղ տեղակայված են կառավարական շենքերը և դիվանագիտական ներկայացուցչությունները, կեսգիշերն անց երկու հրթիռ է ընկել, հայտնում է արաբական Al Mayadeen հեռուստաալիքը:

Ըստ հեռուստաալիքի՝ տարածքում լսվել են տագնապի օդային ազդանշաններ: CNN-ն էլ հայտնել է, որ տեղի է ունեցել երկու պայթյուն:
Reuters-ը, վկայակոչելով իրաքյան զորքերին, նշել է, որ զոհեր չկան:
Ավելի ուշ Իրաքի ոստիկանության աղբյուրները հաղորդել են, որ «կանաչ գոտում» ընկել են երեք «Կատյուշաներ»: Արդյունքում հրդեհ է բռնկվել։