Ամերիկյան Boeing ընկերության հետ կապված խնդիրները կարող են տապալել ԱՄՆ տնտեսությունը: Այս մասին հայտարարել է ֆինանսների նախարար Ստեֆան Մնուչինը: Նրա խոսքով՝ երկիրը կորցնում է ՀՆԱ-ի մինչև 0,5%-ը, հայտնում է CNBC-ը: «Կասկած չկա, որ Boeing-ի հետ կապված իրավիճակը կդանդաղեցնի ՀՆԱ-ի աճը»,- հայտարարել է Մնուչինը և հավելել, որ ընկերությունը խոշորագույն արտահանողներից մեկն է: Վաշինգտոնը կարծում է, որ տնտեսական զգալի աճ հնարավոր կլինի գրանցել Չինաստանի հետ առևտրային համաձայնագրի կնքումից հետո: Նախատեսվում է, որ առաջին գործարքի ստորագրումը տեղի կունենա մոտ ժամանակներս: |