«Այս դատական նիստը վերաբերում է միջնորդությունների քննարկմանը, բայց դատական նիստերի ձգձգվելն ու հետաձգվելը որևէ կապ չունի միջնորդության քննարկման հետ: Սա պաշտպանների կողմից դրսևորված վարքագիծ է՝ արհեստականորեն հետաձգելու դատական նիստերը: Դատարանն արդեն արձանագրել է պաշտպանների կողմից իրենց դատավարական պարտականությունները չարամտորեն չկատարելու փաստը». Ռ. Քոչարյանի և մյուսների գործով հունվարի 21-ի դատական նիստից հետո լրագորղների հետ զրույցում ասաց դատախազ Պետրոս Պետրոսյանը՝ ի պատասխան այն հարցի, թե որքան ժամանակ կարող են ձգձգվել նիստերը տարբեր միջնորդություններով՝ չհասնելով բուն դատավարությանը: Դատախազ Գ. Պետրոսյանն ասաց, որ դատական նիստերում կողմերը հավասար պայմաններում են, դատարանը բազմիցս հնարավորություն է տվել Ռ. Քոչարյանի և մյուսների պաշտպանական կողմին հայտարարություններով հանդես գալ: |