Mamul.am
Ամբողջական տարբերակ
USD 485.74, EUR 547.57, RUB 6.82, GBP 608.34
+22 °C, +20 °C ... +31 °C Վաղը`+28 °C
Hay / Հայ | Рус | Eng | Tür
«Տարակուսելի է, որ նույնը չեն անում մեր ընդդիմադիր գործընկերները». Իզաբելլա Աբգարյան
03:15, 23.01.2020

Երևանի ավագանու «Իմ քայլը» խմբակցության անդամ Իզաբելլա Աբգարյանը ֆեյսբուքյան իր էջում գրել է. «Հարգելի Էդմոն Մարուքյան, Երևանի ավագանին չի որոշում, թե ինչ պետք է անի Ազգային ժողովը:

Երևանի ավագանու «Իմ քայլը» խմբակցությունը պաշտպանում է Մայր օրենքով իրեն տրված լիազորությունները և թույլ չի տա, որ իր իրավասությունները մեկ ուրիշն իրեն վերապահի:

Երևանի ավագանու «Իմ քայլը» խմբակցությունն ատամներով պաշտպանում է տեղական ինքնակառավարման մարմինների անկախությունը, որը ժողովրդավար կառավարման կարևոր պայմաններից մեկն է: Տարակուսելի է, որ նույնը չեն անում մեր ընդդիմադիր գործընկերները՝ հրաժարվելով իրենց ստանձնած լիազորություններից և պատվիրակելով իրենց ԱԺ գործընկերներին:

Երևանի ավագանու «Իմ քայլը» խմբակցությունը թույլ չի տա, որ որևէ մեկն անտեսի երևանցիների տված վստահության քվեն և մի կողմ մղի ընտրված մարմինը՝ հանուն վերնագրերի «կասկած ունեմ» էժանագին շոուի հերթական էպիզոդը բեմադրելու, որի միակ նպատակն է սևացնել քաղաքապետի՝ ոմանց հանգիստ չտվող բարձր վարկանիշը և վստահելիությունը:

Թող յուրաքանչյուրն իր գործով զբաղվի ու առաջնորդվի բացառապես մեր երկրի, քաղաքի ու քաղաքացիների շահով»:

Տեղեկացրե՛ք Ձեր մտերիմներին
| |
դեպի վեր