Սենատորները դեմ քվեարկեցին ԱՄՆ նախագահ Դոնալդ Թրամփի իմպիչմենթի դատավարության ընթացքում վկաներին Սենատ հարցաքննության հրավիրելուն և նոր ապացույցների հավաքագրելուն, հայտնում է Reuters-ը:

Վկաներին Սենատ հրավիրելուն դեմ էին քվեարկել 51, կողմ՝ 49 սենատոր: Նախագծի հաստատման համար Դեմոկրատները պետք է հավաքեին Կոնգրեսի վերին պալատի 100 ձայնից առնվազն 51-ը: Հատկանշական է, որ այս նախաձեռնության ջատագովների թվում էին Հանրապետական կուսակցության երկու անդամ՝ Սյուզան Քոլինզը (Մեյն նահանգ) և ԱՄՆ նախագահի նախկին թեկնածու Միթ Ռոմնին (Յուտա նահանգ):

Գործակալության տվյալներով՝ այս որոշումը «մաքրեց Թրամփի հավանական արդարացման ճանապարհը», ինչը կարող է տեղի ունենալ մոտակա օրերին: