Apple ընկերության կողմից արտադրվող անլար Bluetooth ականջակալների՝ AirPods-երի վաճառքը կարող է վտանգի տակ հայտնվել: Ճապոնական Nikkei գործակալության աղբյուրները հայտնել են կորոնավիրուսի համաճարակի հետ կապված արտադրական խնդիրների մասին:

Ինսայդերները կանխատեսում են AirPods-ի համաշխարհային դեֆիցիտ, քանի որ Apple-ը ստիպված էր դադարեցնել արտադրությունը: Գործակալության տվյալներով՝ Luxshare-ICT, Goertek և Inventec ականջակալների հիմնական մատակարարների գործարանները սպասում են բաղադրիչների մատակարարմանը և արտադրությունը վերսկսելու թույլտվությանը: