Չինաստանում 2019-nCoV կորոնավիրուսի հարուցած թոքաբորբից մահացածների թիվը հասել է 1016-ի, հայտնել է Չինաստանի Հիգիենայի և առողջապահության հարցերով պետական կոմիտեն: Չինաստանում հաստատվել է նոր կորոնավիրուսով վարակվելու ընդհանուր 42.638 դեպք, 37.726 մարդ բուժում է ստանում, ծանր վիճակում է 7.333 քաղաքացի, ևս 3996 հիվանդ արդեն դուրս է գրվել հիվանդանոցից: Չինական մի քանի հարյուր ընկերություններ ստիպված են եղել դիմել բանկերին վարկեր տրամադրելու համար` կորոնավիրուսների բռնկման հետևանքները մեղմելու համար: |