Ավելի քան 110 երկիր միացել է Ավստրալիայի կոչին` հետաքննել ամբողջ աշխարհում կորոնավիրուսի տարածման պատճառներն ու հանգամանքները։ Այս մասին այսօր հայտնել է Ավստրալիայի արտաքին գործերի նախարար Մարիս Փեյնը, գրում է The Australian-ն։ Նախարարը նշել է, որ «աշխարհը ցանկանում է պատասխաններ ստանալ համաճարակի պատճառած ճգնաժամի հանգամանքների վերաբերյալ, որոնք հետագայում թույլ կտան խուսափել նմանատիպ աղետներից»: Ավստրալիայի վարչապետ Սքոթ Մորիսոնը հավելել է, որ հետաքննությունը նպատակ չունի մեղադրել որևէ երկրի: |