«Տեղի ունեցավ իշխանության հերթական բեմադրությունը: Այս աճպարարության հիմնական նպատակն էր հանրության վրա դնել վարչապետի՝ ուղտ լինելու, ապացուցելու բեռը: Փաստացի մենք ունենք ապացույցներ, որ կա կենդանի, որը շաբաթներ շարունակ կարա քայլի անապատով և իշխանություններն այդ կենդանուն չեն տեսնում և պահանջում են, որ մարդիկ ապացուցեն, որ կա ուղտ սենյակում»,- դուրս գալով ոստիկանության 6-րդ վարչությունից՝ լրագրողների հետ զրույցում ասաց «Ադեկվադ» նախաձեռնության համահիմնադիր Արթուր Դանիելյանը: Նա նշեց, որ իրենցից պահանջում են ապացուցել, որ վարչապետի մերձավորները կապ ունեն մաքսանենգության հետ: Ա. Դանիելյանը հավելեց, որ հրաժարվել է, որևէ բացատրություն չի տվել: Կոնստանտին Տեր-Նակալյանն էլ կարծիք հայտնեց, որ իշխանության ցանկացած գործողություն այս փուլում ինչ-որ չափով կարելի է բացատրել ծխախոտի թեման ցրելու փորձ: Հիշեցնենք, որ «Ադեկվադ» խմբի անդամ Արթուր Դանիելյանն այսօր հրավիրվել էր ոստիկանության 6-րդ վարչություն: |