Բելգիայի արդարադատության նախարար Վինսենթ Վան Քիքենբորնը դատապարտել է ոստիկանության հետ բախումները, որոնք տեղի են ունեցել չորեքշաբթի երեկոյան՝ թագավորության մայրաքաղաքում: Նա հայտարարել է, որ «ոչ մի դեպքում չի կարող հանդուրժել այս ամենը, իսկ ճշմարտությունը կհաստատի Իբրահիմ Բ-ի հետ տեղի ունեցածի հետաքննությունը»: Հաղորդում է euronew-ը։ Բրյուսելում բողոքի ակցիայի անցկացման պատճառ է դարձել 23-ամյա Իբրահիմի մահը: Իրավապահների տվյալներով՝ երբ ոստիկանությունն Իբրահիմին կանգնեցրել է՝ փաստաթղթերը ստուգելու համար, նա փորձել է փախչել։ Նրան ձերբակալել են և տեղափոխել ոստիկանական բաժանմունք, որտեղ Իբրահիմի ինքնազգացողությունը վատացել է և հիվանդանոց տեղափոխելու ճանապարհին նա մահացել է: Հղում անելով Իբրահիմի փաստաբաններին՝ հաղորդվում է, որ վերջինը սիրտ-անոթային հիվանդություն է ունեցել։ Ցուցարարները ոստիկաններին են մեղադրել Իբրահիմի մահվան մեջ։ Խաղաղ ելույթները վերաճել են բախումների. ցուցարարները հարձակվել են ոստիկանների վրա. կա ավելի քան 100 ձերբակալված: |