+13 °C, +12 °C ... +20 °C Վաղը`+22 °C
«Մեր իշխանությունները զգում են, որ լուրջ պակաս կա հանրային վստահության և այդպիսի պայմաններում հանրությունից փորձում են պաշտպանվել, փոխարենը՝ փորձելու համագործակցել հանրության հետ»,- այսօր՝ «Հոդված 3»-ում քննարկման ժամանակ հայտարարեց Երևանի մամուլի ակումբի նախագահ Բորիս Նավասարդյանը՝ անդրադառնալով զրպարտությունն ու վիրավորանքը քրեականացնելու մասին Դատախազության ներկայացրած նախագծին: Հիշեցնենք՝ ՀՀ դատախազությունն առաջարկում է քրեականացնել հանրային պաշտոնյաների նկատմամբ զրպարտության և վիրավորանքի պատասխանատվությունը, որը 2010-ից ապաքրեականացվել էր և խնդիրը կարգավորվում է բացառապես քաղաքացիական իրավունքի շրջանակում: «Եթե խոսում ենք քրեականացման մասին, ես բավականին լուրջ կվերաբերվեի զրպարտության քրեականացման խնդրին. դա ինձ համար ընդունելի է, եթե զրպարտության սահմանումն օրենսդրությունում հիմնավորված է, մեզ մոտ այդպես չէ: Ինչ վերաբերում է վիրավորանքին, ապա ես կտրականապես դեմ եմ, որ այն քրեականացվի, քանի որ վիրավորանքը հիմնականում անձերի միջև հարաբերությունների ներքո պիտի դիտարկել, իսկ քրեականացումը միայն այն դեպքում պետք է թույլատրելի լինի, եթե պետական, ազգային շահերը վտանգող հանգամանքներ կան»,- ասաց Նավասարդյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am