Քասախ համայնքի ղեկավար Արա Մկրտչյանը և Սպիտակ համայնքի ղեկավար Գագիկ Սահակյանը «Ֆեյսբուք»-ում նույնաբովանդակ հայտարարություն են տարածել. «Հարգելի՛ հայրենակիցներ, ցանկանում եմ վերահաստատել իմ սատարումն ու զորակցությունը Հայոց բանակին: Այն իշխանությունը, որն ունակ չէ գործել ի շահ սեփական երկրի անվտանգության, չի կարող շարունակել պաշտոնավարել:
Մշտապես եղել և մնում եմ մեր բանակի կողքին: Իմ աջակցությունն եմ հայտնում ՀՀ ԶՈՒ Գլխավոր շտաբի և բանակային միավորումների հրամանատարական կազմի կողմից ներկայացված պահանջին։
Շարունակում եմ մնալ այն համոզմանը, որ հայոց բանակի ու հայ ժողովրդի միասնականությամբ կարող ենք կառուցել անվտանգ ու կայուն հայրենիք»: