Mamul.am
Ամբողջական տարբերակ Մամուլի խոսնակ
USD 519.43, EUR 617.91, RUB 6.73, GBP 715.00
+14 °C, +6 °C ... +16 °C Վաղը`+18 °C
Hay / Հայ | Рус | Eng | Tür
«Իրենց նեղ կուտոկից մարդիկ չպետք է գնան, մսաղաց է, որը նախատեսված է միայն սովորական ընտանիքների համար». Կարպիս Փաշոյան
19:35, 02.03.2021

Հրապարակախոս Կարպիս Փաշոյանը ֆեյսբուքյան իր էջում գրել է. «Պատերազմի ժամանակ կինս պատահաբար հանդիպում է բարձրաստիճան պաշտոնյաներից մեկի կնոջը։ Երկխոսությունը սկսվում է մոտավորապես այսպես․ «ինչի ա Կարպիսը գնացել, մսաղաց ա, չի՞ տեսել ինչ ա կատարվում»։
Երբ լսեցի էս պատմության մասին, իսկապես տեղս չէի գտնում, փաստորեն ընդամենը մեկ նախադասության մեջ արտահայտված է քպ-ական խաժամուժի վերաբերմունքը պետության նկատմամբ (չնչին բացառությամբ ՔՊ-ում էլ պարկեշտ մարդիկ կան)։ Այսինքն, իրենց նեղ կուտոկից մարդիկ չպետք է գնան, քանի որ մսաղաց է, իսկ մսաղացը նախատեսված է միայն սովորական ընտանիքների համար։
Ի դեպ այդ նույն պաշտոնյան Բաքուն գրավածի դեմքով երեկ Երևանի փողոցներում հա-հու էր անում, ծափահարում էր և ուրախանում։ Նրանց մարմնի վրա քերծվածք չկա, բայց ինչ քերծվածքի մասին է խոսքը, երբ դեմքներին բացակայում է նույնիսկ ամոթն ու ափսոսանքը։
Զուգահեռ իրականությունում մայրերը փորձում են ճանաչել իրենց որդիների անդամահատված մարմինները»։

Տեղեկացրե՛ք Ձեր մտերիմներին
| |
դեպի վեր