+17 °C, +10 °C ... +19 °C Վաղը`+21 °C
Իրանի արտգործնախարար Ջավադ Զարիֆն Իսրայելին մեղադրել է Նաթանզում՝ միջուկային օբյեկտում դիվերսիա իրականացնելու մեջ, հաղորդում է իրանական ИРНА գործակալությունը: «Սիոնիստները ցանկանում են վրեժխնդիր լինել իրանցի ժողովրդից՝ ի պատասխան պատժամիջոցների չեղարկման գործընթացում հաջողության: Մեր պատասխանը կհասնի սիոնիստներին»,- ասել է Զարիֆը։ Իրանի ԱԳ նախարարի խոսքով՝ Իսրայելը «բացահայտ հայտարարել է, որ թույլ չի տա մեզ առաջ շարժվել պատժամիջոցների վերացման հարցում»: «Եվ նա կարծում է, որ հաջողության է հասել։ Մեր պատասխանը կլինի միջուկային զարգացման հերթական բեկումը»,- Զարիֆի խոսքը մեջբերել է գործակալությունը։ Նա հավաստիացրել է, որ Իրանը կատարելագործելու է Նաթանզում օբյեկտը և այն էլ ավելի տեխնոլոգիական և արդյունավետ է դարձնելու: «Նաթանզում դիվերսիան չի թուլացնի մեր դիրքորոշումը բանակցություններում։ Թող բանակցությունների կողմերն իմանան, որ Նաթանզում ռեակտորը հագեցած կլինի ավելի կատարյալ ցենտրիֆուգներով և հարստացման հնարավորություններով»,- հավելել է Իրանի ԱԳ նախարարը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am