ՄԱՄՈՒԼ.ամ
Hay / Հայ | Рус | Eng | Tür
USD 486.37, EUR 572.46, RUB 6.72, GBP 672.07
+28 °C, +16 °C ... +28 °C Վաղը`+27 °C
«Էրդողանի հետ քննարկելու եմ իրավիճակը Լեռնային Ղարաբաղում»․ Մակրոն
13:25, 11.06.2021
1974 | 0

Ֆրանսիայի նախագահ Էմանուել Մակրոնը մտադիր է Ռեջեփ Թայիփ Էրդողանի հետ քննարկել իրավիճակը Լեռնային Ղարաբաղում, Սիրիայում և Լիբիայում՝ ՆԱՏՕ-ի գագաթնաժողովից առաջ, որը տեղի կունենա հունիսի 14-ին՝ Բրյուսելում: Այս մասին Ֆրանսիայի ղեկավարը հայտարարել է Փարիզում կայացած մամուլի ասուլիսի ժամանակ։
«ՆԱՏՕ-ի գագաթնաժողովի նախօրեին ես հանդիպում կունենամ Թուրքիայի նախագահի հետ։ Դա լավ հնարավորություն է մտքեր փոխանակել մի շարք հարցերի շուրջ։ Մենք խորը տարաձայնություններ ունենք, բայց կարծում եմ, որ անհրաժեշտ է երկխոսություն վարել»,- ասել է Մակրոնը։
«Ես ուզում եմ խոսել Սիրիայում, Լիբիայում, Լեռնային Ղարաբաղում տիրող իրավիճակի և Հայաստանի ու Ադրբեջանի հարաբերությունների մասին»,- հայտարարել է նա:
Մակրոնը նաև հայտնել է, որ «մտադիր է քննարկել ՆԱՏՕ-ում համագործակցությունը և դաշնակիցների հարաբերություններում վարքագծի կանոնները»:

Կիսվի՛ր այս նյութով՝
| |
դեպի վեր