«Ընդհանուր թիվը մնացել է նույնը, ամենօրյա գործունեության հետ կապված՝ հերթափոխներ և այլն, շատ քիչ քանակությամբ ավելանում կամ պակասում են»,- այսօր՝ լրագրողների հետ զրույցում, ի պատասխան դիտարկմանը, որ ՀՀ տարածքում հակառակորդի շուրջ հազար զինվոր է գտնվում, ասաց ԳՇ պետ Արտակ Դավթյանը։ Անդրադառնալով սահմանային միջադեպերին՝ Դավթյանը նշեց, որ միջադեպերը պակասել են։ «Դա առաջին հերթին պայմանավորված է ընթացող բանակցային գործընթացով»,- ընդգծեց նա։ «Բանակցային գործընթացին չվնասելու համար դրա էտապների, արդյունքների մասին չի հայտարարվում։ Վերջնական արդյունքը տեսանելի կլինի այն տարբերակով, որը կներկայացնենք»,- հավելեց ԳՇ պետը։ |