Գեղամասար խոշորացված համայնքի բնակիչներն այսօր առավոտից փակել են Վարդենիս-Սոթք ճանապարհը: «Ձեր գործողությունն անօրինական է, տրամադրվում է 10 րոպե ժամանակ, այլապես ոստիկանական ուժերով կբացենք ճանապարհը»,- դիմելով հավաքվածներին՝ ասացին ոստիկանները: Բնակիչները նշեցին, որ չեն պատրաստվում բացել ճանապարհը՝ հավելելով. «Պահանջում ենք, որ պատասխանատուները գան ու մեզ լսեն»: Հիշեցնենք՝ գեղամասարցիները բողոքում են համայնքների խոշորացման դեմ: «Մենք չենք ուզում միանալ Վարդենիսին»,- ասում են նրանք: |