ՄԱՄՈՒԼ.ամ
Hay / Հայ | Рус | Eng | Tür
USD 407.52, EUR 425.90, RUB 7.41, GBP 494.73
+25 °C, +15 °C ... +30 °C Վաղը`+32 °C
Բաբայանը պարզաբանեց՝ որն է Արցախի իշխանությունների «խաղաղության օրակարգը»
19:36, 16.05.2022 | mamul.am
2366 | 0

Արցախի նախագահը Հայաստանի վարչապետի հետ վերջին հանդիպման ժամանակ ասել էր, որ Արցախի իշխանությունները նույնպես ընդունում են «խաղաղության օրակարգ»-ը․ ՖԲ ասուլիսի ժամանակ օգտատիրոջ այս հարցին՝ Արցախի արտգործնախարար Դավիթ Բաբայանը պատասխանեց․ «Այստեղ հարցը իշխանություն, պաշտոն ունենալ- չունենալը չէ։ և՛ երկրի նախագահը, և՛ մշակը ունեն ձայների հավասար իրավունք, որովհետև Արցախի ապագան չի կարող մեկ հոգի որոշել։ Ընդհակառակը․ և՛ երկրի նախագահի մակարդակով է բարձրաձայնվել, որ մեզ համար անընդունելի է Ադրբեջանի կազմում լինելը, և՛ մի քանի անգամ Ազգային ժողովի հայտարարություններ են եղել։ Իհարկե, ժողովրդի անվտանգությունն ապահովելը լավ է, կարգավիճակ տալը լավ է, բայց այդ կարգավիճակն ու անվտանգությունն ինչպիսի՞ն պետք է լինի։ Այսինքն՝ Ադրբեջանի կազմում ցանկացած կարգավիճակ չի կարող մեր անվտանգությունը ապահովել, մեզ համար անընդունելի է, և մեր գոյությունը պարզ է այդ պարագայում։ Այստեղ չկա որևէ տարաձայնություն և տարակարծություն»,- ասաց Բաբայանը։

Դիտարկմանը՝ ապա ի՞նչ «խաղաղության օրակարգ»-ի մասին է խոսքը, Բաբայանը մանրամասնեց․ «Խոսքը գնում է նրան, որ Արցախը գերադասում է խաղաղությունը պատերազմից, և մենք ուզում են, որ խաղաղ ամեն ինչ կարգավորվի»։

Կիսվի՛ր այս նյութով՝
| |
դեպի վեր