Մասնագետները նշում են, որ սեպտեմբերին, շփումների ակտիվացմամբ պայմանավորված, հնարավոր է COVID-19-ի դեպքերի աճ: «Համաճարակային իրավիճակը ողջ աշխարհում, նաև Հայաստանում հարաբերական կայուն է։ Հայաստանում կայուն աճ է գրանցվում օգոստոսի սկզբներից սկսած... Եթե չունենք կանխարգելիչ հակահամաճարակային արգելք, սահմանափակումներ և կա շփումների աճ, սա նշանակում է, որ 14 օր հետո՝ մոտավորապես սեպտեմբերի կեսերից, ավելի մեծ թվերի մասին կխոսենք»,- ասել է ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Գայանե Սահակյանը՝ հավելելով, որ հիմնականում շրջանառվում է կորոնավիրուսի օմիկրոն շտամն իր ենթատեսակներով: