Ռումինիայում անցկացվող շախմատի՝ աղջիկների մինչև 18 տարեկանների աշխարհի առաջնությունում Հայաստանի չեմպիոն, ազգային հավաքականի շախմատիստ Մարիամ Մկրտչյանը 8-րդ անընդմեջ հաղթանակը տարավ և 8 միավորով միանձնյա առաջատարն է։
Ութերորդ տուրում Մկրտչյանը սպիտակներով առավելության հասավ ադրբեջանցի Այան Ալլահվերդիևայի նկատմամբ, որը մեկ միավորով հետ մնաց Մկրտչյանից և զբաղեցրեց երկրորդ հորիզոնականը։
Մինչև 14, 16 և 18 տարեկանների շախմատի աշխարհի առաջնությունն անցկացվում է Ռումինիայի Մամայա քաղաքում:
Մրցումներն անցկացվում են շվեյցարական համակարգով՝ 11 տուրով: