ԱԺ հերթական նիստի ընթացքում արձագանքելով ընդդիմադիրների մեղադրանքներին, ըստ որի՝ ՀՀ իշխանությունը վատացրել է հարաբերությունները բոլոր երկրների հետ՝ ՔՊ-ական Արթուր Հովհաննիսյանն ասել է. «Ասենք՝ սրանից ծիծաղալու բան ես չգիտեմ՝ ո՞նց կարելի ա մտածել, երևի ավելի լավ էր՝ հումորային ակումբ հիմնեիք, քան քաղաքական միավոր: Ինչի՞ մասին ա խոսքը, բոլորի աչքի առաջ ա՝ էն հարաբերությունների զարգացումը, որոնք տեղի են ունենում մեր բոլոր գործընկերների հետ՝ ԱՄՆ-ի, Ֆրանսիայի, Գերմանիայի, ԵՄ-ի հետ առհասարակ: Ռուսաստանի և մեր բոլոր գործընկերների հետ վարում ենք արժանապատիվ, գործընկերային, ռազմավարական քաղաքականություն. մեր երկրի դեսպանները, ներողություն, երբեք չեն կզելու որևէ այլ երկրի առաջ»,- նշել է իշխանական պատգամավորը: