+17 °C, +16 °C ... +27 °C Վաղը`+22 °C
Իսրայելական Aviation Industry (IAI) կոնցեռնը և Abu Dhabi Shipbuilding Company (ADSB)՝ Արաբական Միացյալ Էմիրությունների պետական ձեռնարկությունը Աբու Դաբիում NAVDEX ծովային զենքի ցուցահանդեսում ներկայացրել են առաջին համատեղ մշակումը, հայտնում է IsraelDefence-ը։ Սա 17 մետրանոց անօդաչու պարեկային նավ է, որը կարող է կատարել ինչպես ռազմական, այնպես էլ քաղաքացիական առաջադրանքներ։ Նավը կարող է կառավարվել հեռակա կարգով կամ նույնիսկ գործել առանց մարդու միջամտության՝ ըստ կանխորոշված ալգորիթմների՝ արհեստական ինտելեկտի տեխնոլոգիաների կիրառմամբ: Նախագծի իրականացման ընթացքում ADSB-ն զբաղվում էր նավի նախագծմամբ, իսկ իսրայելական կոնցեռնը պատասխանատու էր էլեկտրոնիկայի, ռադիոտեղորոշիչ համակարգերի, կառավարման համակարգերի և ծրագրային ապահովման համալրման համար։ Նման նավերը կարող են օգտագործվել ծովային պարեկության համար, նրանք ի վիճակի են հայտնաբերել տարբեր սպառնալիքներ, այդ թվում՝ ծովային ականներ և սուզանավեր, հավաքել հետախուզական տեղեկատվություն և հագեցած են հեռակառավարվող գնդացիրներով։ Քաղաքացիական հատվածում այն կարող է օգտագործվել տարբեր խնդիրների համար՝ ջրի աղտոտվածության մոնիթորինգ, փրկարարական աշխատանքներ, հրդեհաշիջում և այլն:
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am