Եվրոմիությունը հաստատել է Խաղաղության եվրոպական հիմնադրամի բյուջեի 2 միլիարդ եվրոյի ավելացումը, որից վճարվում են Ուկրաինային զենքի մատակարարումները։ Այս մասին ասվում է ԵՄ Խորհրդում Շվեդիայի նախագահության թվիթերյան էջում հրապարակված հաղորդագրության մեջ։ «Այսօր ԵՄ դեսպանները հավելյալ 2 միլիարդ եվրո են հաստատել Խաղաղության եվրոպական հիմնադրամի համար: Այս որոշումը հստակ ազդանշան է Ուկրաինային և մյուս գործընկերներին ռազմական աջակցության հարցում ԵՄ-ի շարունակական հանձնառության մասին», - ասվում է ուղերձում: |