+24 °C, +16 °C ... +30 °C Վաղը`+30 °C
CNBC News-ը հայտնում է, որ խոշորագույն ներդրումային բանկերից մեկի՝ Goldman Sachs-ի վերլուծաբանները կարծում են, որ արհեստական բանականության (AI) տեխնոլոգիաներ օգտագործող ապրանքները կարող են շուրջ 300 միլիոն աշխատակցի գործազուրկ դարձնել ամբողջ աշխարհում։ Միևնույն ժամանակ, արհեստական բանականությունը զգալիորեն կբարձրացնի աշխատանքի արդյունավետությունը, ինչի արդյունքում համաշխարհային ՀՆԱ-ն կարող է ավելանալ 7%: Այն կկարողանա կատարել վարչական անձնակազմի աշխատանքի 46%-ը, իրավաբանների առաջադրանքների 44%-ը և փոխարինել ինժեներների ու ճարտարապետների 37%-ին։ Բացի այդ, արհեստական բանականության տեխնոլոգիաների օգնությամբ հնարավոր է ավտոմատացնել սոցիոլոգների, ֆինանսիստների ու գործարարների կատարած աշխատանքի մեկ երրորդը։ Բոլոր փոփոխություններից ամենաքիչը կազդեն ֆիզիկական աշխատանքի վրա: Շինարարության, մաքրման, բնական ռեսուրսների արդյունահանման և վերանորոգման աշխատանքներում արհեստական բանականությունը չի փոխարինի մարդկանց։ Ընդհանուր առմամբ, ըստ վերլուծաբանների, ամբողջ աշխատանքի մոտ մեկ քառորդը կարող է ավտոմատացվել ԱՄՆ-ում, մի փոքր ավելի քիչ՝ Եվրոպայում՝ 24%։ Ամենից շատ, նրանց կարծիքով, փոփոխությունները կազդեն Հոնկոնգի, Ճապոնիայի, Շվեդիայի և Իսրայելի վրա։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am