Հունաստանի հյուսիսում անտառային հրդեհներ են մոլեգնում: Ընդհանուր առմամբ, Հունաստանում առնվազն հինգ խոշոր հրդեհի օջախ կա, որ չի վերահսկվում: Հրդեհներից մեկի գոտում հայտնաբերվել են 18 ածխացած մարմիններ։ Խոսքը, հավանաբար, անօրինական ներգաղթյալների մասին է, երեքշաբթի՝ օգոստոսի 22-ին, ERT պետական հեռուստաալիքի եթերում ասել է Հունաստանի հրշեջ ծառայության ներկայացուցիչ Յանիս Արտոպոյոսը։ «Քանի որ շրջակա տարածքներում անհայտ կորածների մասին հաղորդումներ չեն եղել, ստուգվում է տեղեկատվությունը, թե արդյոք նրանք ապօրինի մուտք գործած անձինք են», - ասել է նա։ Դիերը հայտնաբերվել են Դադիա ազգային պարկի Ավանտաս գյուղից հարավ գտնվող հեռավոր գյուղական մի խրճիթում, որտեղ օրեր շարունակ մոլեգնում են անտառային հրդեհները: Թուրքիայի հետ սահմանին գտնվող այս տարածքով է անցնում անօրինական միգրացիայի հայտնի ուղիներից մեկը։ Չի բացառվում, որ զոհերի թիվը շատ լինի: Զոհերի թիվն այս պահին հասնում է 20-ի: |