«Իշխանությունն այս փուլում փորձում է հասնել 8 գյուղերի հանձնմանը, որոնք ստացել են «անկլավներ» ձևակերպումը, փորձելով դրա դիմաց խոստանալ խաղաղություն»,- լրագրողների հետ զրույցում ասել է ԱԺ «Պատիվ ունեմ» խմբակցության քարտուղար Տիգրան Աբրահամյանը: Նրա խոսքով՝ 44-օրյա պատերազմից հետո իշխանական տարբեր գործիչներ հայտարարում էին, որ դրանք ադրբեջանական են՝ փակելով բանակցային հնարավորությունները. «Չկան փաստաթղթավորված հիմքեր, որ այդ գյուղերը եղել են Ադրբեջանի սովետական միության կազմում կամ որևէ փաստաթղթով փոխանցվել են Ադրբեջանին»,- հավելել է ընդդիմադիր գործիչը: