ԱՄՆ նախկին նախագահ Դոնալդ Թրամփը կարծում է, որ Իսրայելի և Պաղեստինի միջև պատերազմը հետևանք է այն բանի, որ ԱՄՆ իշխանություններն ապասառեցրին իրանական 6 միլիարդ դոլարի ակտիվները։ Մինչդեռ Սպիտակ տան Ազգային անվտանգության խորհրդի մամուլի ծառայության ղեկավար Ադրիեն Ուոթսոնը հայտարարել է, որ 6 միլիարդ դոլար արժողությամբ իրանական ակտիվների ապասառեցումը (որպես ԱՄՆ-ի հետ գերիների փոխանակման գործարքի մաս) ոչ մի կերպ կապված չէ ՀԱՄԱՍ-ի հարձակումների հետ։ «Այս միջոցներից ոչ մի ցենտ չի ծախսվել և բացարձակապես կապ չունի այսօրվա սարսափելի հարձակումների հետ»,- գրել է նա X սոցիալական ցանցում: |