ԵԽԽՎ ընդունած բանաձևում ասվում է, որ Ադրբեջանը Pegasus լրտեսական ծրագիր է օգտագործել մի խումբ հայ պաշտոնյաների լրտեսելու համար։ Բանաձևում խոսվում է որոշ անդամ երկրների կողմից լրտեսական ծրագրերի չարաշահման մասին։ Դրանց թվում է նաև Ադրբեջանը։ Ըստ տվյալների՝ Ադրբեջանի իշխանությունները Pegasus լրտեսական ծրագրի ծառայություններից օգտվել են լրագրողներին, ոչ կառավարական լրատվամիջոցների սեփականատերերին, քաղաքական ընդդիմախոսներին և քաղաքացիական հասարակության ակտիվիստներին լրտեսելու համար։ Բանաձևը երկրների կառավարություններին խորհուրդ է տալիս հետաքննություն անցկացնել և բացատրություններ ներկայացնել: |