2023 թ. հունվար-հոկտեմբեր ամիսներին հանրապետությունում, նախորդ տարվա նույն ժամանակահատվածի համեմատ 1778-ով աճել է արձանագրված հանցագործությունների թիվը։ 10 ամիսներին հանրապետությունում գրացվել է 31598 դեպք, նախորդ տարվա 29820-ի փոխարեն։ Ըստ ԱՎԿ-ի՝ բացառությամբ ոչ մեծ ծանրության դեպքերի՝ աճել են և՛ միջին ծանրության և՛ ծանր և՛ առանձնապես ծանր հանցագործությունները։ Ոչ մեծ ծանրության հանցագործությունների թիվը նվազել է. 2023 թ. հունվար-հոկտեմբեր ամիսներին գրանցվել է 14712 դեպք, նախորդ տարի նույն ժամանակահատվածում՝ 16951 դեպք։ Այս տարի գրանցվել է ծանր հանցագործությունների 4700 դեպք՝ նախորդ տարվա 3874-ի փոխարեն, այսինքն՝ ցուցանիշն աճել է 826 դեպքով։ Առանձնապես ծանր հանցագործությունների թիվն այս տարի 1425 է, ինչը նախորդ տարվա նույն ժամանակահատվածում գրանցված 740 դեպքից ավելի է 685-ով։ Հաշվետու ժամանակաշրջանում աճել են նաև միջին ծանրության հանցագործությունների դեպքերը՝ 10761, որը նախորդ տարվա գրանցված 8 255 դեպքից ավելի է 2503-ով։ |