Սոսի Խանիկյանի վրաերթի գործը նորից կքննվի։ Այս մասին ֆեյբուքյան իր էջում գրել է փաստաբան Թամարա Բաղդասարյանը։ «Չնայած ոմանց մեծ ջանքերին` Սոսի Խանիկյանի վրաերթի գործը նորից կքննվի և հուսամ` այս անգամ մեղավորները կենթարկվեն պատժի։ Վճռաբեկ բողոքի վարույթ ընդունելը մերժվել է և ուժ է ստացել կարճման դեմ մեր կողմից ներկայացված բողոքը բավարարելու մասին որոշումը»,- նշել է նա։ Հիշեցնենք, որ Սոսի Խանիկյանը 2021 թվականի մարտի 1-ին ավտովթարի զոհ է դարձել։ Նա «Քաղաքը», «Վարդապետը» վավերագրական ֆիլմաշարերի հեղինակն էր, սցենարիստ էր, նաև բազմաթիվ հիթերի հեղինակ։ |