+21 °C, +15 °C ... +27 °C Վաղը`+28 °C
ԱՄՆ-ի պետքարտուղար Էնթոնի Բլինքենը կարծում է, որ Վաշինգթոնի դուրս գալը 2015 թվականի միջուկային համաձայնագրից մեծ սխալ էր։ Բլինքենն այս հայտարարությունն արել է՝ ելույթ ունենալով Շվեյցարիայում Դավոս-2024 գագաթնաժողովի երկրորդ օրը։ «Դա մեծ սխալ էր»,- ասել է Բլինքենը՝ պատասխանելով 2018 թվականին Իրանի միջուկային գործարքը դադարեցնելու` Դոնալդ Թրամփի որոշման մասին հարցին։ The Guardian-ը մեջբերել է նրա խոսքերը, որ ԱՄՆ-ն այժմ այնպիսի վիճակում է, երբ չունի իրեն անհրաժեշտ համաձայնագիրը: «Սա խորապես ցավալի է»,- հավելել է նա։ Իրանի միջուկային ծրագրի շուրջ համաձայնագիրն ստորագրվել է 2015 թվականին Իրանի և ՄԱԿ-ի Անվտանգության խորհրդի 5 մշտական անդամների և Գերմանիայի միջև: ԱՄՆ-ի նախկին նախագահ Դոնալդ Թրամփը դուրս է եկել գործարքից 2018 թվականին, մինչդեռ ԱՄՆ-ի ներկայիս նախագահ Ջո Բայդենն ազդարարե;լ է, որ պատրաստ է երկարաձգել համաձայնագիրը։ Ռուսաստանը, Մեծ Բրիտանիան, Գերմանիան, Չինաստանը, ԱՄՆ-ն և Ֆրանսիան Իրանի հետ բանակցություններ են վարում 2021 թվականի ապրիլից՝ գործարքը վերականգնելու համար։ Միջուկային համաձայնագիրը փրկելու համար բանակցություններն սկսվել են Ավստրիայի մայրաքաղաք Վիեննայում 2021 թվականի ապրիլին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am