Բողոքի ակցիայի մասնակից ֆերմերներն արգելափակում են Բելգիայի և Նիդերլանդների միջև սահմանային անցակետերը, հայտնում է բելգիական Soir թերթը: Թերթը նշում է, որ արգելափակվել են, մասնավորապես, նիդերլանդական Բերխեն օպ Զոմից, Բրեդայից և Էյնդհովենից դեպի բելգիական Անտվերպեն խոշոր նավահանգիստ տանող ճանապարհները: Վերջին օրերին Եվրոմիության երկրներում աճում են ֆերմերների բողոքները, որոնք պահանջում են փոխել համաեվրոպական ագրարային քաղաքականությունը, չեղարկել սահմանափակումները, այդ թվում՝ բնապահպանական, և դադարեցնել էժան արտասահմանյան արտադրանքի անվերահսկելի ներմուծումը: Տարբեր արհմիություններ պնդում են, որ ԵՄ-ում ֆերմերների աշխատանքը գործնականում դադարել է շահույթ բերել՝ Եվրոհանձնաժողովի և երկրների քաղաքականության պատճառով: |