+31 °C, +19 °C ... +34 °C Վաղը`+34 °C
Սիրիայի արևմուտքում գտնվող Բանիաս քաղաքում գտնվող վիլլայի վրա օդային հարձակման հետևանքով զոհվել է երեք մարդ։ Նրանցից մեկն ԻՀՊԿ-ի (Իսլամական հեղափոխության պահապանների կորպուս) բարձրաստիճան հրամանատար է։ Այս մասին հայտնում են իսրայելական լրատվամիջոցները։ Նշվում է սպանված սպայի անունը՝ ռազմական խորհրդական Ռեզա Զարավի։ Նա Իսլամական հեղափոխության պահապանների կորպուսի ռազմածովային ստորաբաժանման բարձրաստիճան հրամանատար էր։ Սա պաշտոնապես ճանաչել են իրանական լրատվամիջոցները։ Մյուս երկու սպանվածների մասին հայտնի է դարձել, որ նրանք Սիրիայի քաղաքացիներ չեն։ Սոցցանցերում տեղեկություններ են տարածվում, որ խոսքը նաև սպաների մասին է։ Ավելի վաղ հաղորդվել էր, որ ուրբաթ՝ մարտի 1-ի վաղ առավոտյան, երեք հզոր պայթյուն է որոտացել Սիրիայի Բանիաս նավահանգստային քաղաքում և նրա շրջակայքում։ Թե ինչ է պայթել և ինչու, չի նշվում։ Հավանաբար, խոսքը Իսրայելի պաշտպանության բանակի հարվածների մասին է։ Ըստ սիրիական ընդդիմադիր Nours կայքի՝ սա իսրայելական հարված է վիլլային, որը մի քանի օր առաջ վարձակալել էին իրանցի սպաների համար, ովքեր փախել էին Դամասկոսից հարավ գտնվող ալ-Սայեդ Զայնաբ շրջանից՝ թիրախային սպանությունների մտավախության պատճառով: Խոսքը Իսլամական հեղափոխության պահապանների կորպուսի սպաների մասին է։ Բանիաս քաղաքը գտնվում է Իսրայելի սահմանից մոտավորապես 300 կիլոմետր հեռավորության վրա: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am